Thursday, 28 January 2016 05:32

دہشت گردی بہرحال دہشت گردی ہے چاہے جہاں بھی انجام دی جائے/مولانا اصغرعلی امام مہدی سلفی

دہلی،۳۲/جنوری۔ مرکزی جمعیت اہل حدیث ہند کے ناظم عمومی جناب مولانا اصغرعلی امام مہدی سلفی نے گذشتہ دنوں چار پڑوسی ملک پاکستان کے چارسدہ کی باچاخان یونیورسٹی میں ہوئے دہشت کردانہ حملہ کی سخت الفاظ میں مذمت کی ہے اور اسے ا نتہائی ظالمانہ اورافسوسناک قراردیاہے نیز کہاہے کہ دہشت گردی بہرحال دہشت گردی ہے اور لائق مذمت ہے چاہے جہاں بھی انجام دی جائے۔ انہوں نے مزید کہاکہ اس طرح کی کارروائیوں کی کوئی بھی مذہب یا سماج اجازت نہیں دے سکتا۔ان سماج و انسانیت دشمن بدبختانہ کارروائیوں کی جتنی بھی مذمت کی جائے کم ہے۔
ناظم عمومی نے اپنااخباری بیان جاری رکھتے ہوئے مزید کہاکہ اس بزدلانہ کارروائی کاسب سے افسوسناک پہلو یہ کہ اس میں ایک تعلیمی ادارہ کو نشانہ بنایاگیاہے جس کی حیثیت انسانیت ساز فیکٹری کی ہے اور وہاں تعلیم حاصل کرنے والے طلبہ اور اساتذہ پوری قوم اور انسانیت کا بیش قیمت اثاثہ ہیں چنانچہ سنگین سے سنگین حالات میں بھی ان کے ساتھ اس طرح کی بربریت کا مظاہرہ کرنا انسانیت کے خلاف گھناؤنی سازش ہے۔ بنابریں ہم اس تخریبی کارروائی کی سخت سے سخت الفاظ میں مذمت کرتے ہیں اور اسے ناقابل معافی جرم تصور کرتے ہیں۔ ناظم عمومی نے اپنی پریس ریلیز میں معصوم جانوں کے اتلاف پر شدید رنج و غم کا اظہار کیا اور مہلوکین کے پسماندگان کے ساتھ اظہار تعزیت اور متاثرین سے اظہارہمدردی کیا ہے۔

The Collective Fatwa against Daish and those of its ilk

ہمارے رسائل وجرائد

http://ahlehadees.org/modules/mod_image_show_gk4/cache/al-isteqamah2gk-is-214.jpglink
http://ahlehadees.org/modules/mod_image_show_gk4/cache/islahe-samaj2gk-is-214.jpglink
http://ahlehadees.org/modules/mod_image_show_gk4/cache/jareeda-tarjumah2gk-is-214.jpglink
http://ahlehadees.org/modules/mod_image_show_gk4/cache/the-symple-truth2gk-is-214.jpglink
«
»
Loading…